الكود الأول
شارلي بالدارجة 'charlie bdarija' شارلي بالدارجة 'charlie bdarija'
افضل قصص

آخر الأخبار

افضل قصص
recent
جاري التحميل ...
recent

"قصتـــــي مـــع الإكتئـــــــاب" بــــــارت 5.



"قصتـــــي مـــع الإكتئـــــــاب"
بــــــارت 5.
..وصل الغد ليه عيط ليا "الكبير" قال ليا جي عندي لافاك باش من بعد تحضر معايا لواحد المجمع..قلت ليه واخا، جبدت ديك الفوقية لبستها ولبست داك طربوش (طاقية) ولبست دوك تقاشر وداك سباط، بقيت كنشوف راسي فالمرايا ماتيقتش داكشي لي شفت، عمرني ظنيت راسي غانكون هكا، كنت حشمان نلبس ديك اللبسة ونخرج حيت ماشي ديالي داكشي وحيت انا عمرني ماكنت هكاا ولأول مرة غانحس براسي كندير شي حاجة لي كانت بعيدة عليا بزااف حيت فديك اللحظة كنتفكر كيف كنت وكيف وليت..واخا كنت متردد نخرج بديك اللبسة ولكن الخوف لي كان فيا من جيهة الكبير خلاني نلبس داك اللبس ديال المتدينين ونخرج..لبست وخرجت ومشيت لافاك وانا حشمان وانا فطريقي كنتصادف بزينب فالطريق بقات مصدومة فيا حدرت راسي وكملت طريقي وملي ضرت لقيتها باقة كتشوف فيا من بعيد..طلعت عند الكبير لقيتو مع دوك دراري كي العادة ولكن هاد المرة مكاينش عادل، ماقدرتش نسول شي حد قلت مع راسي ربما تعطل ولكن داز الوقت ومبانش..قلت اشنو ندير، درت السبة باش نمشي للطواليط ومشيت جبدت تلفون كنعيط ليه مكيجاوبش واحد اللحظة عاودت عيطت مكيجاوبش..المرة الثالثة طفى عليا تلفون..هنا بقيت كنتساؤل مع راسي علاش مكيجاوبش وعلاش البارح ماقال ليا والو..قلت مع راسي فالليل غايلقى لابيل ديالي وغايعيط ليا...خرجت ورجعت عند الكبير ودوك دراري لي كانو معاه..شوية قال لينا: سيادنا هذا هو الوقت باش نمشيو للمجمع نتلاقاو تما..قال ليا يالاه معايا..خرجنا مشى جاب طوموبيلتو ومشينا للمقر ديالهم، قلت ربما عادل غايكون تما كيتسنانا ساعة كنت غالط..لقيت شي وحدين خرين فيهم جداد وقدام فيهم رجال ودراري بحالي، موهيم ريحنا كنتسناو لخرين حتى جاو..شوية بدى الكبير كايهضر (كايفتي) على موضوع الجهاد..بقيت غير كنتصنت وكانشوف فيه كيفاش كايهضر..أثر فيا بزااف كانت عندو واحد الشخصية قوية بزاف..موهيم بقى كايفتي ولخرين كيتناقشو معاه وانا غير كنتصنت..واحد شوية دخل واحد الأخ وهو يبان ليا الكبير سكت شاف فيه وقاليه تگعد خرج فحالك ياك قلت لك متبقاش تحط رجليك هنا..خونا ناض خرج وبقيت جاري معاه..حيت ماحدي انا جديد خصني نرد البال لأي حاجة باش نقدر نعرف اش كيوقع تما...موهيم بقيت حتى سالا الدرس وصلينا المغرب والعشااء ومشينا فحالنا..وصل ليل وعادل باقي ماعندي عليه حتى خبار..جبدت تلفون كنعيط ليه والو مكيجاوبش تيليفونو طافي...شوية دخلت نشوف واش داخل للفيسبوك..دخلت مالقيتوش من آخر مرة هضرنا فيها ماتكونيكطا...دخلني الشك وماعرفت ماندير خرجت ديك الساعة مشيت نسول عليه فالدار حيت هو كاري فواحد الحي تما..ساعة مالقيتوش..سولت عليه حتى حد ماشافو..رجعت فحالاتي جالس مكونكطي شوية سيفطات ليا زينب ميصاج من واحد الكونط خر قالت ليا: اشنو هادشي كانشوف أعبد الله، واش عندك شي عقل ولا ماعندكش واش عارف راسك اشنو كادير ولا لا..جاوبتها قلت ليها: اشنو بغيتي واش بنادم حتى ايلا دخل سوق راسو وتبع طريق الله ماتخليوهش..قالت ليا: انا ماقلتش لك ماتبعش طريق الله ولكن هادشي لي كادير فيه راه بزاف والله..سولتها اشنو درت؟..جاوباتني قال ليا: شوف راني عارفاك مزيان وراني هاد ليامات كاملة عارفاك اش درتي ومعامن مشيتي والبارح واليوم راني شفتك مع دوك اللحايا..
سولتها وقلت ليها: مشيت معاهم وفين المشكل ؟..
قالت ليا: واش نقدر نشوفك غدا ؟
- علاش ؟
- بغيت نهضر معاك حيت الهضرة طويلة..
- جاوبتها وقلت ليها لا...شوية قالت ليا كون بنادم ولو مرة وحدة فحياتك وسمع ليا..قلت ليها لا وبلوكيتها للمرة الثانية..الغد ليه كنت غادي لافاك ومشيت للصونط كوبي باش نطبع شي وراق وجات دخلات عندي وسلمات عليا بيدها ومع كان بنادم تما ماقدرتش نخليها بلاكة وملي مديت ليها يدي زربات عليا بالحنك ولكن لي مارديتش ليه البال هو أن الكبير كان جاي من وراها وشافها ملي سلمات عليا بالحنك..وحسيت بالإحراج قدامو وعرفت هاد البلان ماغديش يعجبو..طبعت الوراق ومشيت..فالليل وصل وقت الدرس كيف العادة فالمجمع..عيط ليا الكبير فتلفون باش نمشي عندو قبل الوقت قبل مايجيو لخرين..قلت ليه واخا ومشيت..مكانت عندي حتى فكرة علاياش بغاني..يالاه وقفت قدامو جبد معايا بجوج تصرفيقات وقال ليا سير تجلس...يتبع..
بقلــم: الـﺴـــــــﺎﻋــــﺮ
بقلم : محمد الكارتي

بقلم : محمد الكارتي

مدون وكاتب عربي ناشئ يهتم بكل ما هو جديد في عالم الكتب و التقنية و هدفه الأول التعلم والتعليم في مجال العلمي والتقني .

Enregistrer un commentaire

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

عن الموقع

عن الموقع
موقع شارلي بالدارجة(charlie bdarija) من إنشاء الشاب المغربي محمد الكارتي 23 سنة هدفه إيصال المعرفة ومعلومات مفيدة لمتابعيه , ويسعى الموقع لطرح و نشر شروحات في جميع المواضيع المتعلقة بتاريخ البشرية وهذا هو إختصاص الموقع الأول , وهدفنا الأول والأخير هو إرضاء متابعينا لنكون متميزين دائما

زوار الموقع

زوار الموقع

إجمالي مرات مشاهدة الصفحة

جميع الحقوق محفوظة

شارلي بالدارجة 'charlie bdarija'

2017

الكود التاني